tónlist og tækni
Ég sagði hér fyrir stuttu að fleiri lög væru óþörf en nú hefur Senjór Apfelblut afsannað það. Með því sem að hann kallar „Föndurstappa af Disco Frisco með Ljósunum í Bænum og Malente rímixi af Exodus með Congorock.“
Disco Frisco Exodus (DJ Apfelblut mash/stappa/edit/fondur) by DJ Apfelblut
Stundir,
Árni
Það er búið að búa til lagið sem vantaði
Þakka Örvari fyrir þessa góðu ábendingu.
Stundir!
Mikið fjör var í gær á tónleikum og ekki var það síðra deginum áður á Seabear. Hér eru nokkrar myndir og eitt video
Stundir!
Á síðustu árum hefur möguleikum í tónlistarútgáfu fjölgað til muna. Ég hef prófað ýmislegt í þeim efnum, bæði gott og slæmt. Það sem er gott að vita fyrirfram er að ef maður vill gefa út sjálf/ur þá er það alls ekki fyrirhafnarlaust.
Á Íslandi eru síðurnar gogoyoko & Grapewire.net góður kostur til þess að koma tónlistinni í sölu á netinu en vilji maður ná til stærri hóps er iTunes stærsta veitan í stafrænni tónlistardreifingu. Hægt er að koma tónlistinni í sölu á iTunes með ýmsum leiðum en einfaldast er að gera það í gegnum milligönguaðila. Samkomulagið er yfirleitt á þá leið að iTunes tekur u.þ.b. 30% af söluverði og skilar restinni á milligönguaðilann sem tekur svo misháa prósentu áður en hann borgar þér.
Hér eru dæmi um þrjár leiðir til þess að koma plötunni þinni á iTunes:
Kostnaður við að setja plötu á iTunes í gegnum Tunecore er uþb. $30 og svo um $20 á ári til að halda plötunni inni.
Tunecore dreifir á eftirfarandi veitur:
iTunes (öll svæði), Rhapsody, Napster, eMusic, Amazon MP3, Lala, Shockhound, Amie Street, IMVU, LimeWire og Nokia
Grapewire er eina íslenska fyrirtækið með samning um dreifingu við iTunes auk þess sem þeir geta komið plötunni á Emusic, Zune og Amazon.com. Dreifingin er háð umsókn til Grapewire. Skráningarkostnaður er enginn en prósentuhlutfall er samningsatriði og fer eftir umfangi hljómsveitar eða útgáfufélags.
Kostnaður við skráningu er $35 og svo kostar $20 á ári að viðhalda plötunni + 9% af heildsöluverði.
CD Baby dreifir á eftirfarandi veitur:
Amazon MP3, Amie Street, iTunes (öll svæði), Didiom, Emusic, GreatIndieMusic, Inprodicon, Lala, Last.fm, LimeWire, Liquid Digital Media, MediaNet, Napster, Nokia, Rhapsody, Shockhound, Spotify og Tradebit
Þó svo iTunes og aðrar veitur séu mikilvægar er enn ekki alveg út um geisladiskinn.
Framleiðsla á geisladiskum þarf ekki að vera mjög dýr en ef upplagið er stærra en 500 eintök þá er best að leita að þjónustu erlendis. Ég hef persónulega bara reynslu af einu slíku fyrirtæki sem hefur staðið sig með mikilli prýði og er það Handle With Care í Berlín. Búast má við að kosnaður við framleiðslu á 1000 stk í Jewel case með 8 síðna bæklingi í fullum lit sé 200-300 kr. á hvert eintak. Fyrir smærri útgáfur má búast við meiri kosnaði á hvert eintak eða um 500.- kr á stk.
Handle With Care hefur reynst mörgum íslenskum hljómsveitum og útgáfufélögum vel en fyrirtækið er þekkt fyrir mikla nákvæmni.
Ef upplagið er minna en 500 eintök er best að leita tilboða í geisladiskana sjálfa hjá Myndbandavinnslunni (u.þ.b 250.- krónur á disk með smá prenti á disknum) og í umslögin hjá Háskólaprenti. Ég hef látið prenta hjá Prentmet en ég mæli alls ekki með því.
Því miður er ekki hægt að láta pressa vínyl á Íslandi en það er hægt að láta gera það fyrir sig hjá Handle With Care í Þýskalandi.
Á Íslandi eru nokkur fyrirtæki sem taka að sér dreifingu á plötum. M.a. eru það: Kimi Records, Smekkleysa, Sena og svo skilst mér að JPV hafi dreift einhverjum plötum. Eðlileg þóknun fyrir dreifingu á einum titli er 10 til 20%. Dreifing hjá þessum fyrirtækjum er auðvitað háð því að platan þín sé eitthvað þessi fyrirtæki hafi áhuga á.
CD Baby býður upp á CD + Vínyl dreifingu í N-Ameríku en sú þjónusta er frekar dýr eða u.þ.b $4 á disk.
Það er búið að vera mikið að gera hjá mér að undanförnu og eins og venjulega safnast upp hlutir sem maður ýmist þarf eða mann langar að gera. Í þessari færslu ætla ég bara að tala um hluti sem mig langar að gera.
Nánar hér
Nánar hér
Nánar hér
Hér er svo dæmi um lengra komna CNC „gerivél“
Góðar stundir.
Í mörg ár hefur mig dreymt um að eignast Doepfer A-100 synth og nú á ég næstum því svoleiðis. Doepfer Dark Energy er start-kit fyrir áhugafólk um modular syntha: nokkrar einingar saman í einum pakka.
1 x VCO, 1 x VCF, 1 x VCA, 1 x Envelope, 2 x LFO
1 x MIDI í CV/Gate 1 x USB í MIDI
6 x CV Input (VCO F, VCO PW, VCF F, VCA A, Gate, Ext. Audio)
5 x CV Outs (Gate, Note, Pitchbend, Velocity, Program change/Audio out )
3 x Outs (LFO, Envelope, Audio)
Mér hefur hingað til ekki tekist að raða saman Doepfer A-100 með þessum einingum á undir 150.000.- kr en þessi kostaði 400 € eða ca 74.000 + tollur = 85.000 sem er bara fínasti prís fyrir svona undragræju.
Hér má sjá myndir:
Ég fór með hljómsveitinni minni í ferðalag til Berlínar síðustu helgi þar sem að við spiluðum fyrir gesti í árlegu jólaboði Ólafs Elíassonar. Við skemmtum okkur konunglega, borðuðum kebab, versluðum jólagjafir og gerðum stuttmynd
og svo tók ég nokkrar myndir
- Aftur á forsíðu
